Category Archives: Leeupoort News

Sekelboshout -Braai op Leeupoort

????????????????????????????????????

Almal kan braai maar braai op Leeupoort daar waar dit in die natuur is en jy die geluide van die bos hoor is net soveel meer ontspanne.

Die sekelboshout se kole brand langer as baie ander soorte hout met die gevolg dat jy langer by die vuur kan kuier. Daar waar jy langs die vuur sit en in die kole staar en die stilte sak toe om jou hoor jy die fisant wat in `n naby geleë boom hom tuismaak met sy tsjer- tsjer   tsjer- tsjer   tsjer- tsjerrrr.

 

Die vlakvarke kom maak seker of daar nie oorskot kos is nie. So teen tienuur die aand maak die bosvarke hul verskyning om ook te kom kyk of daar nie beentjies van die braaivleis oorgebly het nie. Hulle kou die bene asof dit macaroni is.

Die kinders wat in die sundowner swenbadjie tot laat baljaar het kom ook tot ruste en kom sit ook langs die vuur om te wag vir die stilte om saam te smelt met die rustigheid van die kole wat stadig verdof soos die aand se uurglas leegloop.

Die sekelbosvuur is nog steeds aan die brand.

Leeupoort: Energie Oplossings

Windpomp

LEEUPOORT NUUS – Kragdag 2016 vind vanjaar van 16 tot 18 Junie 2016 plaas by Diamandvallei Landgoed net buite Pretoria.

Daar gaan onder andere seminare gehou word oor energie-oplossings. Windkrag en sonkrag is van die skoonste maniere van kragopwekking wat onderneem kan word.

Windkrag en sonkrag kan gekombineer word wat jou geheel en al onafhanklik van elektrisiteit kan maak.

Boeremusiekfees te Leeupoort op 9 September 2016

Boeremusiekgilde

LEEUPOORT – Die 9de Fees word nou-al beplan en `n groot aantal orkeste gaan aan die fees deelneem. Deelnemers vanaf Pietersburg tot Mosselbaai het reeds tekenne gegee dat hulle aan die fees gaan deelneem.

Daar sal sowat 22 senior orkeste en 4 junior orkeste optree. Die belangstelling van jongmense is oorweldigend en bemoedingend.

Leeupoort huisves ook die Boeremusiekmonument wat natuurlik die eerste monument van sy soort in die land is.

Leeupoort: Termiete Vreet Kombuiskas Op

Termiete 640x480

NATUUR – Termiete bestaan uit die wyfie koningin wat die grootste van al die termiete is, die mannetjie koning wat kleiner as die koningin is, die werkers wat daaglikse roetine take verrig soos die soek van kos, skoonmaak, versorging, bou en herstelwerk aan die termietnes, en laastens die soldate wat die neste verdedig.

‘n Koningin termiet word so dik soos `n varkworsie en sy kan ook nie rondloop nie. Sy is vol eiers en haar uitsluitlike doel is om te teel

Boeremusiekfees te Leeupoort op 11 September 2015

Boeremusiek Monument

LEEUPOORT – 13 Senior en 4 junior boereorkeste gaan vanjaar by die Boeremusiek-fees optree. Vrydagaand skop dit af met die eerste orkeste wat optree. Saterdag die heel dag deur speel die orkeste en Sondagoggend vind die erediens plaas. Een van die boereorkeste sal die musiek met die erediens waarneem.

Elke jaar was die aanbiedings uitstekend en vanjaar sal dit nog beter en lekkerder wees. Saterdag, die heel dag kan daar gedans word terwyl die orkeste optree.