Category Archives: General News

Rooibek van Leeupoort Vakansiedorp

Rooibekneushoringvoel voor die nes waar binne twee kleintjies is. Gewoonlik pleister hulle die bek van die nes toe met slegs `n skrefie oop waardeur die mannetjie en wyfie die kleintjies voer.

Die mannetjie voer die wyfie terwyl sy in die nes sit. Hy voer haar deur die gleufie wat hulle voor die gat gepleister het. sy broei op die eiers terwel sy sonder vere daar sit. Wanneer die eiers een na die ander oor n periode van `n paar dae uitgebroei het breek sy die gat groter sodat sy kan

 

uitgaan en om saam met die mannetjie die kleintjies te voer. Die bek van die nes word weer toegepleister sodat daar net `n gleufie oop is om die kleintjies te kan voer.

Hulle voer die kleintjies totdat hulle groot genoeg is ,hulle genoeg vere het en hul bek sterk genoeg is om die nes een na die ander oor `n paar dae te verlaat. Hulle pik die bek van die nes groter om te kan uitgaan.

Daar op Leeupoort is `n hele paar koutkaste by huise aangebring waar die rooibekke in rustigheid kan broei. Verskeie besoekers aan Leeupoort Vakansiedorp het die uitbroei al self beleef.

Leeupoort: Vakansiedorp en lekker blydorp

Leeupoort Vakansiedorp is `n ekodorp geleë binne `n natuurreservaat. `n Groot aantal permanente inwoners het daar kom aftree omdat hulle die stilte van die natuur begeer en waardeer en graag die wild wat tussen die huise rondstap geniet. Wanneer jy wil ry en wildkyk doen jy dit op jou eie en in jou eie tyd.
Daar woon sowat 500 permanente inwoners en daar is ongeveer 700 huise in die dorp. Daar is twee groot swmbaddens waar jy na hartelus in die water kan gaan baljaar en verskeie huise het hul

eie klein swenbaddens vir lafenis.
Verskeie huiseienaars woon elders en gaan gereeld die stilte en wild opsoek op Leeupoort. Van hierdie huise word as selfsorg- vakansieeenhede verhuur sodat die eienaars ook van tyd tot tyd daar kan gaan uitspan en ontlaai.
.

Leeupoort: Passie vir die Natuur

Leeupoort Vakansiedorp is die idilliese gesinsoord in die bosveld slegs 150 km vanaf Pretoria. Bekostigbare huise wat goed toegerus is as selfsorg- fasiliteite. Die weer is idiaal vir braai waar die ouens tot laataand by die vuur deurbring.
Hierdie vakansiedorp is n ekodorp binne `n natuurreservaat waar die wild tussen die huise rondloop. Die besoekers kan gaan stap in die reservaat of selfs met hul voertuig deur die reservaat ry waar jy ook tot naby die wild kan kom.

 

Op Leeupoort is daar ongeveer 170 soorte voëls, 50 verskillende soogdiere en 114 boomsoorte. Die maak dus `n fees om tussen die huise te stap of deur die hele reservaat te stap waar daar staproetes is. Vir die ouens wat nie kan of wil stap nie kan met jou eie voertuig deur die reservaat ry.
Die bosvarke loop rond wanneer die son eers gesak het want hulle is sku vir mense. Hulle is gewoonlik op soek na braaivleisbene om te vreet. Die ander wild loop dag en nag orals tussen die huise rond.

Kragonderbrekings

 

Het jy al ooit by die huis gekom nadat jy weg was, en opgemerk dat jou digitale horlosies flikker met die verkeerde tyd? Jy besef gou dat daar ‘n kragonderbreking was, maar dit is feitlik onmoontlik om te bepaal wanneer dit plaasgevind het of hoe lank dit geduur het. Dit is dus ook onmoontlik om vast te stel of die kos in jou vrieskas dalk ontdooi het, begin bederf het, en dan weer gevries is. Of is dit?


Hierdie truuk kan jou help om te weet of kos sleg geword het en net gevries het, en of dit bevrore gebly het terwyl jy weg was. Sit ‘n koppie water in jou vrieskas. Vries dit heeltemal, sit dan ‘n muntstuk bo op en los dit in jou vrieskas.
Op dié manier sal jy kan sê of die inhoud van die vrieskas na ‘n kragonderbreking bevrore gebly het: As die muntstuk tot onder in die die beker gesak het, beteken dit die kos het ontdooi en sal jy moet oorweeg om Daarvan ontslae te raak. Maar as die muntstuk óf bo op, of selfs in die middel van die beker is, behoort jou kos nog veilig te wees. Die algemene maatstaf bly maar dat jy gemaklik moet voel oor jou bevrore voorraad en dit veilig te speel. Gooi dit dus eerder weg as om kanse te vat

Uittreksel uit SAVA Sosiale Dienste – Feb 2017

Leeupoort: Die Bos Praat met Jou

Die bos vertel vir jou sy storie en al wat jy moet doen is om net te luister. Die kinders kan op hul eie deur die reservaat op Leeupoort Vakansiedorp fiets ry.

Die stilte bring `n rustigheid in jou wat jy nie met geld kan koop nie. Jy moet net nie jou selfoon die hele tyd aanhou nie want die Whatsupp en ander oproepe lei jou aandag af en neem jou terug na jou kantoor of werksplek.

 

Jy kan vir `n lang tyd geen oproepe kry nie maar sodra jy buite langs die vuur bybelstudie wil hou kry jy die meeste onnodige oproepe asof die duiwel dit so beplan. Ek en Jan du Preez het een oggend 9 uur beplan om bybelstudie te hou by Ifafa732 op Leeupoort waar ons die akkommodasie terdee geniet. Voor die tyd het ons twee geen selfoonoproepe gekry nie en net toe ons begin kry ons oproepe Jan drie en ek een. Nou wat vertel dit vir jou!!

Daar waar jy rustig buite sit kom die vlakvarke gewoonlik eerste daar snuffel vir kos. Wees net versigtig vir hulle en kyk net na daardie gevaarlike tande waarmee hulle jou kan kap. Die njalas en bosbokke maak ook hul draai. Die koedoes en elande kom nie gereeld kuier nie. Die grysbekneushoringvoels laat ook gereeld van hulle hoor en besoek ook redelik gereeld die broeikas wat aan een van die bome staangemaak is. Dis reeds nou broeityd waar die wyfie in die kas toegemessel is met `n klein oop gleufie waardeur die mannetjie haar voer.

Lekker rustige dag vir jou.