Category Archives: Tourism Attractions

Leeupoort: Broeigedrag van Voëls

Alfa broeigedrag kom voor by groep- of familievoëls waar daar een broeipaar is (alfa mannetjie en wyfie vermoedelik die oudste wyfie.)

By sommige groepe broei slegs die wyfie terwyl die res van die familie verantwoordelik is vir die aandra van kos en later die versorging van die kuikens nadat dit uitgebroei is. Dit is komies om te sien as daar `n jongeling tussen die groep  is hoe hy/sy met oorgawe sy vlerkies fladder en kla en die hele groep dra kos aan. Hulle kom in groepe van 5  tot 10 voor. Meeste van die groepe bestaan uit voëls wat familie van mekaar is, dit sluit dus die vorige jare se broeisel in. Hierdie groepe is gedurig met mekaar in verbinding deurdat hulle onophoudelik met mekaar kommunikeer met tipiese geluide.

 

Die Langstertlaksmanne, van onder andere Leeupoort, kom in klein swerms van tussen 5 en 10  voëls in die bosveld voor waar hulle opsigtelik op die top van `n sytak of boom sit en ook langs die paaie op drade en pale. Hulle is insekvreters en ons almal ken hulle kenmerkende roep wat soos “tilodi” klink. Vandaar ook sy Tswana naam.Hier funksioneer `n alfa mannetjie en wyfie. Die mannetjie en helpers dra kos aan vir die wyfie terwyl sy op die nes sit en roep vir kos soos `n klein voëltjie.

( Geplaas met vergunning van Die Bospatrys – Nuusblad van Leeupoort en omgewing ( www.bospatrys.co.za )

Leeupoort: Lag en Klets Gesamentlik

Wanneer jy nou praat van saam en deurmekaar praat of babbel dan praat jy nou van katlagters.  Partykeer gebeur dit mos ook so met mense!!

Nou die dag terwyl ons so agter die huis op Leeupoort Vakansiedorp  by die braaiplek, es, sit kom daar `n kolonie katlagters met `n lawaai aan en so vinnng as wat hulle met `n basuim daar aangekom het stop die gekletter en begin hulle tussen die blare en takkies rondsoek na kos soos goggatjies. Elkeen gesels saggies terwyl hulle met hulle bekkies orals  rond skrop vir die kossies.

Vernaam so laat agtermiddag sit hulle baie keer in `n ry op `n takkie styf teenmekaar waar party mekaar skoon pik van parasiete.

Leeupoort: Wanneer Die Son Sak Hoor Jy Hom

Sodra die son op Leeupoort sak en jy sit buite by die vuurtjie in die bosveld hoor jy die skril geskree van die fisante wat die bome opsoek om te gaan slaap.. Hulle slaap sommer tussen die huise in die groot bome.
Sodra een skree hoor jy die antwoord van die ander fisante wat elders ook die bome bestyg. Party van hulle hou tot na sononder aan met hul skril geskree
Party mense verwar die fisant met die patrys. Die fisant is grotes en donkergrys met rooi bene en rooi pote en hulle word die Natalse Fisant

genoem. Die patrys is heelwat ligter van kleur en ook kleiner en ligte grys van kleur.
Hulle vreet saadjies en hulle vreet ook goggas wat hulle uitskrop tussen die blare van die bome. Soms skrop hulle tussen die wildsbokke se mis vir saadjies. Jy moet die fisante dophou wanneer hulle pik en dan sal jy waarneem hoe vining hulle kan pik om die saadjies te kan vreet.
Hierdie voëls lê hul eiers onder die bossies waar die wyfie en mannetjie die eiers uitbroei. Die gebande muishonde is seker hul grootste vyand wat die gebande muishonde snuffel die eiers uit en vreet dit op met die gevolg dat die fisante met moeite hul kuikens groot kry.

Tjip-tjirrrrrrrrrr op Leeupoort

 

Tjip-tjirrrrrrrr is `n bekende geluid op Leeupoort.

Miekie Maree het `n stuk in Die Bospatrys van November 2016 geskryf oor die groot verskeidenheid van visvangers wat hulle opwagting op Leeupoort maak. Die agt soorte visvangers is elkeen uniek van kleur en hul geluide verskil ook aansienlik.

 

Al die soorte vang nie net vis nie want party vang insekte en klein diertjies soos paddas. Hulle vang die prooi op die grond en partykeer in die lug, gaan sit in die boom en slaan die prooi teen die boomstam dood waarna hulle dit dan op vreet.

Die visvangers broei in gate in bome of in walle waar hulle self die neste gemaak het. Beide die mannetjie en wyfie voer die kleintjies.

Die agt soorte visangers wat op Leeupoort voorkom is sekerlik die kleurrykste voël wat ons in ons land het. Die tjip-tjirrrrrrr geskree van die bosveldvisvanger is seker die bekendste van al agt soorte visvangers op Leeupoort. Van hulle vladder bokant die water totdat hulle `n vis sien waarna hulle op die prooi sal afduik. Ander vang die goggas in die lug en ander vang die goggatjies soos paddas wat op die grond is.

Om hierdie pragtige voëls te wil bekyk gaan in op www.leeupoort.com of epos gaangroen@@gmail.com en doen `n bespreking teen billike pryse.

Leeupoort: Fees der Feeste

26 Boeremusiekorkeste het die fees bygewoon en opgetree waarvan 3 Junior orkeste was.

10 September 2016 sal vir lank onthou word vir sy groot aantal besoekers wat van oor die land op Leeupoort kom feesvier het en die optredes kom geniet het. Pieter Bodenstein van Leeupoort het nou vir die 9de agtereenvolgende jaar sedert die oprigting van die Boeremusiek-monument die aktiwiteiteite ge-kordineer.

 

Kosie Beukes, tans 8 jaar oud, was lid van een van die junior orkeste. Kosie speel tans 13 musiekinstrumente. Kosie speel die konsertina voor hom asook agter sy rug.   Vir sy ouderdomsgroep 8 tot 10 jaar is Kosie as die beste Instrumentalis op die wereld kampioenskappe in die VSA aangewys.

Vir die mense wat nie weet nie – Jy kry die tradisionele en moderne Boereorkeste. Die tradisionele orkeste speel net die instrumente wat nie elektronies is nie. Rustenburg se tradisionele orkes was uitgenooi om op die laaste KKNK te gaan optree en die luisteraars was gaande oor die pragtige musiek en van die ouens het sommer begin dans. Rustenburg se tradisionele orkes het drie konsertinas en al drie speel verskillend.

Saterdag het daar `n senior volkspelegroep opgetree met pragtige volkspele uitrustings wat waarlik kleurvol was.

Daar was ook 15 ekone vereer met sertifikate vir hul jare lange betrokkenheid by Boeremusiek. Dit was mense van 70 jaar en ouer was en betrokke is en was wat tans en voorheen hier op Leeupoort opgetree het.

Verder het oud en jonk Saterdag oggend tot 10 uur die aand net gedans en gedans.

Die besoekers het ook die mak wild van Leeupoort terdee geniet.

Sondag-oggend was daar `n erediens wat ook opgeneem was deur die media.