Tag Archives: Akkommodasie

Leeupoort- Boeremusiekfees. 9 Sept 2017

Tien jaar gelede het die Boeremusiekgilde die Boeremusiek-monument op Leeupoort opgerig en 9 September 2017 word die herdenking gehou.
Met daarde geleentheid sal die tema “Volkspele” wees. `n Groot aantal Boere-orkeste het reeds te kenne gegee dat hulle by hierdie besondere geleentheid kom optree. Van die orkeste het al begin plek bespreek want daar is beperkte akkommodasie beskikbaar. In die verlede was die akkommodasie al `n maand voor die tyd vol bespreek.

 

Die manne is besig op baard te laat groei vir hierdie spesiale gebeurtenis!
Ander verrassings gaan wees die Ou Toppers Orkes van die Kaap en ‘n baie bekende, gewilde sportpersoonlikheid gaan ook die Fees bywoon.

Baie feesgangers maak ook van die geleentheid gebruik om wild te kyk. Party besoekers geniet die diere wat hulle by die huise besoek en ander ry deur die reservaat om meer wild te besigtig.

Leeupoort: Die Bos Praat met Jou

Die bos vertel vir jou sy storie en al wat jy moet doen is om net te luister. Die kinders kan op hul eie deur die reservaat op Leeupoort Vakansiedorp fiets ry.

Die stilte bring `n rustigheid in jou wat jy nie met geld kan koop nie. Jy moet net nie jou selfoon die hele tyd aanhou nie want die Whatsupp en ander oproepe lei jou aandag af en neem jou terug na jou kantoor of werksplek.

 

Jy kan vir `n lang tyd geen oproepe kry nie maar sodra jy buite langs die vuur bybelstudie wil hou kry jy die meeste onnodige oproepe asof die duiwel dit so beplan. Ek en Jan du Preez het een oggend 9 uur beplan om bybelstudie te hou by Ifafa732 op Leeupoort waar ons die akkommodasie terdee geniet. Voor die tyd het ons twee geen selfoonoproepe gekry nie en net toe ons begin kry ons oproepe Jan drie en ek een. Nou wat vertel dit vir jou!!

Daar waar jy rustig buite sit kom die vlakvarke gewoonlik eerste daar snuffel vir kos. Wees net versigtig vir hulle en kyk net na daardie gevaarlike tande waarmee hulle jou kan kap. Die njalas en bosbokke maak ook hul draai. Die koedoes en elande kom nie gereeld kuier nie. Die grysbekneushoringvoels laat ook gereeld van hulle hoor en besoek ook redelik gereeld die broeikas wat aan een van die bome staangemaak is. Dis reeds nou broeityd waar die wyfie in die kas toegemessel is met `n klein oop gleufie waardeur die mannetjie haar voer.

Lekker rustige dag vir jou.

Leeupoort: Disa 345

Naam van Eenheid: Disa 345

Wil jy regtig ontspan en wegbreek van die daaglikse spanning? Dan moet jy Leeupoort Vakansiedorp gesoek waar die wild orals tussen die chalets rondloop en waar die bosvark en nagapie jou saans by die braaiplek opsoek.

Geniet die heerlike rustigheid om die braaivleis ampvuur waar jy kort kort `n stompie op die kole kan gooi.

Leeupoort: Tinktinkie 639

Naam van Eenheid: Tintinkie 639 (Vergenoeg Woonstel)

Hierdie gerieflike 2 slaapkamer chalet op Leeupoort is beskikbaar aan Bosveld-vakansiegangers, pasgetroudes op wittebrood, of pensionarisse wat kleiner maar gerieflike fasiliteite verlang teen baie bekostigbare tariewe.

Besoekers kan op hul eie heerlik gaan stap of fiets ry om die reservaat te verken en die pragtige bosveld met wild en voëls te geniet.

Leeupoort: Ifafa 732

Naam van Eenheid: Ifafa 732

Dis `n belewenis om Leeupoort te besoek; tuis te gaan in hierdie netjiese en gerieflike 3 slaapkamer chalet, een slaapkamer ensute, in `n wildreservaat met ‘n unieke atmosfeer. Die wild loop tussen die huise rond, die voëls maak jou soggens wakker en jy kan ontspan onder die bome.

Dit is ‘n veilige omgewing en jy kan met ‘n geruste hart hierdie wonderlike natuur ervaar saam met jou kinders en familie.