Tag Archives: Bosveld

Gezoem van die Bye

Wanneer die perdeby jou steek weet jy dat jy gesteek is.

Nou die dag wil ek `n tak afsny wat teen die dak by Ifafa 732 op Leeupoort krap. Die leer word teen die muur staan- gemaak en die leer word bestyg. Ek vat toe per ongeluk aan die balk wat onder die teeldak sigbaar is en dit is toe waar die perdebye hul nes het. Die een by steek my op die bolip en dis asof iemand my met `n hamer op die mond slaan. Met die geweldige skok gryp ek na my lip, verloor balans en voeter van die leer af.

 

My ouma het destyds gesê dat `n ou vicks moet aansmeer en dit het so werlikwaar gehelp.

Die perdeby verdedig sy nes deur mens of dier wat torring aan hul neste by te dam met daardie skerp groot angel en die steek brand soos vuur. Die perdebye los nie hul angel in jou soos `n heuningby nie en hulle steek jou soms meer as eenkeer. Hier in die bosveld by Leeupoort geniet die perdebye beslis die wurms wat in die bos is.

Die perdeby dra wurms aan na die neste en hou dit daar vir kos. Daar is 35 verskillende soorte spesies in ons land.

Leeupoort: Al Huilende Huilbos

NATUURRESERVAAT – Die Huilboom huil wanneer hy seerkry. Hierdie boom op Leeupoort is een van die grootste gemerkte huilbome in Suid Afrika.

Om onder die boom op die rusbankie op Leeupoort te sit en na te dink oor die skepping, die natuur, die lewe en hierdie besondere boom, is nogal `n belewenis. Jy kry sommer seer vir die boom se part om te dink dat die boom “huil” wanneer hy “seergemaak” word.

Leeupoort se Nonnetjiesuil

Nonnetjies Uil 640x480

NATUURRESERVAAT – Die uil se goed ontwikkelde rigting sin en gehoor span saam wanneer hy sy prooi vang. As hy iets hoor wat na prooi klink, draai hy sy kop in daardie rigting. Dan kos dit nog net een geritsel of ’n gepiep en die prooi is so goed as bokveld toe.

Uile (daar is sowat twaalf soorte in Suider-Afrika en 162 wêreld-wyd) vreet slegs lewende diere, van insekte tot soogdiere soos groot soos hase. ’n Paar soorte vreet hoofsaaklik visse. Hulle sluk gewoonlik hul prooi heel in. Onverteerbare dele van hul kos, soos bene, hare en vere, word saamgepers en as klein kompakte bolletjies opgebring (dit word uilballe genoem – kraaie doen dieselfde).

Steakie Oppie Kole op Leeupoort

Leeupoort Braai 640x480

ONTSPANNING – Die dae op Leeupoort se bosveld is heerlik. Die sonnetjie kan nie lekkerder wees wanneer jy by die ronde braaiplek by Ifafa 732, wat mens `n “es” noem, agteroor sit met jou voete op die rand van die es. Die swaai-braai wat mens hoër of laer kan stel kan jy gemaklik hanteer en dit word weggeswaai wanneer jy die vuurtjie pak om aan die brand te steek.

In plaas van teesakkies weg te gooi word dit in `n botteltjie gehou en `n bietjie lampolie daaroor gegooi.

Leeupoort: Die Bosveld Bosvark

Bossie Bosvark

BOSSIE DIE BOSVARK – Heelwat van die Leeupoorters en besoekers aan die Bosveld, het saans so om en by 11 uur kennis gemaak met die mak bosvarke op Leeupoort Vakansiedorp. Die bosvarke soek die braaiplekke by die huise op om te kyk of hulle iets te ete kry soos braaivleis-beentjies. Bedags kruip hulle in die bosse weg waar niemand hulle sal sien nie.

Die vlakvarke en bosvarke bly gewoonlik uit mekaar se pad en meng glad nie met mekaar nie. Een van die Leeupoort se inwoners moes egter voorheen na `n bosvarkie omsien