Tag Archives: Insekte

Leeupoort: Gesplete Tong

Met sy gesplete tong ruik die likkewaan sy prooi wat hy volg om te gaan vang.

Hy het sterk kake en byt hard. Jy moet net nie met hom gaan lol nie. Hulle lê tot 20 eiers in `n gat van ongeveer 15 cm diep. Van geboort af sorg die kleintjies vir hulle self.met die gevolg dat daar maar min is wat oorleef om groot te word.

 

Daar is likkewane op Leeupoort wat op die plavonne van huise op Leeupoort woon. Mens jy hoor hulle maklik want hulle maak groot geraas en die inwoners verwilder hulle en stop die gate onder die dakke toe om hulle nie kans te gee om nes te maak nie.

Hierdie reptiele beweeg stadig wanneer die temperatuur laag is maar is verbasend vining wanneer hulle iets wil vang. Hulle vreet aan karkasse van dooie diere en goggas, eet eiers van voels en tarentale, vreet paddas, akkedisse, voels en insekte.

Daar is mense wat glo dat die likkewaar en tokkelosie vennote is. Partykeer maak hulle of hulle dood is om jou of die prooi om die bos te lei. So vang hulle dan baie keer die prooi. Daar word ook geglo dat `n groot likkewaan `n koei in die veld met sy stert vang en haar uitsuip sodat daar nie melk vir haar kalfie is nie.

Rooibekneushoringvoëls van Leeupoort

 

 

`n Rooibekneushoringvoël het hom tuis gemaak op die motor se spieëltjies en probeer om die maatjie in die spieël te soen of om mee te baklei. Die voël het himself vir `n lang tyd so besig gehou. Daarna het hy teen die glas van die skuifdeur kom pik tot hulle hom brood gegee het. Hierdie geelbek is seker nou al drie jaar besig met sy pik aan die wieldoppe en spieëltjies by Ifafa 732 op Leeupoort.

Sy geroep is nagenoeg so iets soos: “kok-kok-kok-kok-kokok-kokok. Hulle vreet hoofsaaklik insekte en kos in die mis van diere wat op die grond is. Hulle pik miskoeke met hul snawel uitmekaar om by die saadjies en insekte uit te kom.

Hulle is een van die rooibek, geelbek en grysbek soorte wat op Leeupoort te vinde is. Die rooibek is die kleinste van die drie soorte. Dit is selde dat al drie soorte op dieselfde plek soos Leeupoort te vinde is. Hulle bly ook uit mekaar se pad.

 

Leeupoort: Nagapie Spring 6 Meter

Nagapie

NAGAPIES – Die nagapie van Leeupoort wat so groot soos `n muis is is gebiedsgebonde en hulle is normaalweg altyd saam met `n maat. Hulle is stil diertjies maar wanneer daar gevaar is waarsku hulle mekaar met `n skril geskree. Hulle grootste gevaar is uile en slange.

Hulle skuil bedags is gate in bome en snags is hulle aktief. Hulle spring van boom tot boom teen `n geweldige spoed maar op die grond is hulle maar stadig en dit is waarom hulle selde op die grond te siene is.

Bolletjies Rol – Miskruier

Miskruier

MISKRUIERS – Mis word deur die miskruier gevreet. Die wyfie miskruier lê ook eiers binne in die bolletjie. Die klein miskruiertjie vreet die bolletjie van binne af.

Party mannetjies sal ’n groot stuk daarvan vir ’n miskruierwyfie aanbied, in die hoop om haar te beïndruk. Wanneer daar vars mis is, is daar groot mededinging. Hulle kom binne `n kort tydjie uit verskillende rigtings om te deel aan die koek. Party soorte miskruiers rol die mis in `n bol en rol dit dan van die groot mishoop af weg en begrawe dit elders op `n sagte plek.