Tag Archives: Mannetjie

Leeupoort: Broeigedrag van Voëls

Alfa broeigedrag kom voor by groep- of familievoëls waar daar een broeipaar is (alfa mannetjie en wyfie vermoedelik die oudste wyfie.)

By sommige groepe broei slegs die wyfie terwyl die res van die familie verantwoordelik is vir die aandra van kos en later die versorging van die kuikens nadat dit uitgebroei is. Dit is komies om te sien as daar `n jongeling tussen die groep  is hoe hy/sy met oorgawe sy vlerkies fladder en kla en die hele groep dra kos aan. Hulle kom in groepe van 5  tot 10 voor. Meeste van die groepe bestaan uit voëls wat familie van mekaar is, dit sluit dus die vorige jare se broeisel in. Hierdie groepe is gedurig met mekaar in verbinding deurdat hulle onophoudelik met mekaar kommunikeer met tipiese geluide.

 

Die Langstertlaksmanne, van onder andere Leeupoort, kom in klein swerms van tussen 5 en 10  voëls in die bosveld voor waar hulle opsigtelik op die top van `n sytak of boom sit en ook langs die paaie op drade en pale. Hulle is insekvreters en ons almal ken hulle kenmerkende roep wat soos “tilodi” klink. Vandaar ook sy Tswana naam.Hier funksioneer `n alfa mannetjie en wyfie. Die mannetjie en helpers dra kos aan vir die wyfie terwyl sy op die nes sit en roep vir kos soos `n klein voëltjie.

( Geplaas met vergunning van Die Bospatrys – Nuusblad van Leeupoort en omgewing ( www.bospatrys.co.za )

Leeupoort: Loer om die Hoek

Sodra jy nader kom aan die boom waar hy teen die stam sit sal hy probeer agter die stam om beweeg met die doel dat jy hom nie sien nie. Ons het dit aanskou op Leeupoort. Hulle soek gewoonlik die sonkant van die boom of klip waar hulle hul tuismaak.

Die mannetjie van die koggelmander het `n blou kom en die wyfie se hele liggaam is vaal. In die diereryk is die mannetjie gewoonlik meer aanskoulik as die wyfie. By wildsbokke is dit oor dieselfde maar by die mens is die vroutjie mooier as die man!!

 

Die koggelmander wyfie lê haar eiers in die sagte grond. Hul lê sowat 10 sagtedop eiers. Die diet van hierdie reptiele is klein insekte, miere, termiete, motte en ander goggas.

Hulle slap gewoonlik slegs snags en wel in die holte van tak.

Daar is mense wat meen dat die koggelmander giftig is maar dit blyk nie so te wees nie. Die grillerige voorkoms laat mens dink dat hierdie reptiel giftig is.

Daar is mense wat meelwurms vir hulle uitsit want hulle woon gewoonlik Is`n bepaalde gebied.

Rooibek van Leeupoort Vakansiedorp

Rooibekneushoringvoel voor die nes waar binne twee kleintjies is. Gewoonlik pleister hulle die bek van die nes toe met slegs `n skrefie oop waardeur die mannetjie en wyfie die kleintjies voer.

Die mannetjie voer die wyfie terwyl sy in die nes sit. Hy voer haar deur die gleufie wat hulle voor die gat gepleister het. sy broei op die eiers terwel sy sonder vere daar sit. Wanneer die eiers een na die ander oor n periode van `n paar dae uitgebroei het breek sy die gat groter sodat sy kan

 

uitgaan en om saam met die mannetjie die kleintjies te voer. Die bek van die nes word weer toegepleister sodat daar net `n gleufie oop is om die kleintjies te kan voer.

Hulle voer die kleintjies totdat hulle groot genoeg is ,hulle genoeg vere het en hul bek sterk genoeg is om die nes een na die ander oor `n paar dae te verlaat. Hulle pik die bek van die nes groter om te kan uitgaan.

Daar op Leeupoort is `n hele paar koutkaste by huise aangebring waar die rooibekke in rustigheid kan broei. Verskeie besoekers aan Leeupoort Vakansiedorp het die uitbroei al self beleef.

Leeupoort: Grysbekneushoringvoël in kas.

Met sy skril fluitgeroep verskil die grysbek se geroep drasties van dié van die geelbek en rooibek wat weer dieselfde klink.

Leeupoort is gelukkig om al drie hierdie soorte neushoringvoëls te kan hê. Hulle bly redelik uit mekaar se pad. Op Leeupoort is `n inwoner wat die broeikaste maak en daar is `n hele klompie inwoners wat kaste aangeskaf het en by die huise aan bome aangebring het. Hierdie kaste se ingang moet in `n sekere rigting aangebring word en die grootte en hoogte is ook `n faktor.

By Ifafa 732 is daar so `n kas aangebring en die afgelope paar jaar broei die grysbekke elke Desember daar gereeld.

Desember-vakansies is die inwoners en besoekers gelukkig om die broeiproses dop te kan hou. Nadat die wyfie klaar eiers gelê het messel sy haarself binne die nes toe met slegs `n klein gleufie waardeur sy kos gevoer word. Die mannetjie dra vir haar kos aan. Dit is van sprinkane, ander goggas tot afval kos. Wanneer die mannetjie die nes nader hoor jy die fluitgeluid en die wyfie sit gereed met haar bek se punt wat by die gleufie uitsteek. Sy wag dan dat sy gevoer kan word.

Sodra die kleintjies uitgebroei is sal sy die gleuf oop pik na buite gaan en die gleuf weer herstel tot net `n gleufie waardeur sy en die mannetjie die kleintjies saam voer. Hulle hou aan voer totdat die kleintjies se vere uitgegroei is en wanneer die eerste kleintjie die nes ooppik sal die gleufie weer herstel word. Die volgende kleintjie sal die nes ook verlaat sodra sy vere reg is om te kan vlieg.