Tag Archives: Natuur

Leeupoort: Beesstert Potjie

Dis net op Leeupoort waar jy in die bos naby die stad en in die rustigheid van die natuur lekker rustig kan ontspan vergeet van die spanning daardoer in die stad.

Om 12 uur Saterdag middag het Henry en sy seun Stiaan begin om die beesstert vir die potjie in orde te kry. Daar gaan `n heerlike potjie voorberei word.

Dis rustig en die twee vlakvarke lê daar in die koelte van die swarthaakboompie  en slaap en die njalabul staan en kyk wat daar aangaan en of daar nie so ietsie vir hom ook kan wees nie.

Die sekelboshout begin vlamvat en die stoele word reggesit sodat `n ou heerlik rustig om die vuur te kan sit met jou voete op die randjie van die es waarop die  vuur gemaak word.

Die kinders baljaar in en om die sundowner swembad en langsaan word die potjie rustig in orde gekry. Die beestert-stukke word eers in die driebeen-swartpot gebraai om dit te seël . Die gebruik is om die kosse wat langer vat om gaar te word eerste in die pot te sit, aangaan met die kook en die groente en wat gouer gaar word word eers heelwat later in die pot geplaas. Baie ouens se reels is dat jy die deksel slegs afhaal wanneer jy van groente bysit want deksel oopmaak is taboe.

Gniet die smaaklike ete.

Sekelboshout -Braai op Leeupoort

Almal kan braai maar braai op Leeupoort daar waar dit in die natuur is en jy die geluide van die bos hoor is net soveel meer ontspanne.

Die sekelboshout se kole brand langer as baie ander soorte hout met die gevolg dat jy langer by die vuur kan kuier. Daar waar jy langs die vuur sit en in die kole staar en die stilte sak toe om jou hoor jy die fisant wat in `n naby geleë boom hom tuismaak met sy tsjer- tsjer   tsjer- tsjer   tsjer- tsjerrrr.

 

Die vlakvarke kom maak seker of daar nie oorskot kos is nie. So teen tienuur die aand maak die bosvarke hul verskyning om ook te kom kyk of daar nie beentjies van die braaivleis oorgebly het nie. Hulle kou die bene asof dit macaroni is.

Die kinders wat in die sundowner swenbadjie tot laat baljaar het kom ook tot ruste en kom sit ook langs die vuur om te wag vir die stilte om saam te smelt met die rustigheid van die kole wat stadig verdof soos die aand se uurglas leegloop.

Die sekelbosvuur is nog steeds aan die brand.

Leeupoort: Doop Baba in Bos

LEEUPOORT VAKANSIES – Onder die leiding van Johan Koekemoer is die “stiltehoekie” in die bos op Leeupoort ingerig. Klein Gerhard is by die kruis gedoop waar daar `n gewyde atmosfeer in die rustigheid van die natuur geheers het.

Dink net dat mense wat in die stad woon, hul baba daar in die bos kan gaan doop. Iets besonders vir die foto-plakboek (“scrab book”) met fotos van die kruis, die doopplegtigheid en fotos van die blouwildebeeste wat daar rustig lê en herkou.

Bosveld Bome: Elke Boom het ‘n Storie

Bosveld Bome 640x480

BOOMKYK – Daar is min plekke in ons land waar daar so `n groot verskeidenheid bome op een plek groei as in Leeupoort. Vir die publiek wat geïnteresseerd is in ‘n variasie inheemse bome, is dit die ideale geleentheid om kyk of hulle die onderskeie bome kan uitken.

By Ifafa 732 op Leeupoort, het Philip du Plessis en sy mede Dendrologiese Vereniging-span nie minder as een en twintig (21) verskillende bome gemerk. Ons was heel verbaas daaroor want ons het nooit kon dink dat ons so `n groot verskeidenheid bome in een erf het nie.