Tag Archives: Vakansiedorp

Leeupoort: Boeremusiekgildefees- 9 September 2017

Die 10 Jarige Boeremusiekfees op Leeupoort Vakansiedorp was `n reuse sukses. Dit was tien jaar nadat die Boeremusiekgilde-monument opgerig was. Hierdie monument is die eerste van sy soort in Suid Afrika.
Daar was 29 orkeste wat Saterdag vanaf 8.30 tot 11 uur die aand opgetree het en gekom van die Kaap tot Messina. Twee was junior orkeste.
Kosie Beukes, 10 jaar oud, was met hierdie fees weer op Leeupoort. Hy is bekend vir sy trekklavier spel. Kosie het onlangs in Amerika `n silwer

 

medalje verower vir die beste instrumentalis in `n kompetise waar daar 28 lande aan deelgeneem het.
Die 11 jarige Coenraad Harmse het sy eie orkes en het `n eerste prys verower as beste Vastraporkes. As prys sal Deon van der Merwe deur sy platemaatskappy, Johannesburg, vir Coenraad `n gratis opname maak. Willie Viljoen, oorlede Ollie se seun, die aanbieder van Vastrap op RSG het ook die verrigtinge bygewoon.
Daar was fotos van die 130 musikante by die Boeremusiekgilde – monumet geneem asook fotos van 6 Boeremusiek ikone waar onder ikone genoem die “Die Ou Toppies “ van die Kaap. Verder was daar ook `n foto geneem van Pieter Bodenstein wat met `n spesiale toekenning vereer is as nie-musikant betrokke by Boeremusiek. Pieter wat woon op Leeupoort, was sedert 1987, met die oorsprong van Leeupoort Vakansiedorp, betrokke by onder andere Boeremusiek op Leeupoort.

Leeupoort; Tarentaalpastei

Die gewone tarentaal word in Leeupoort Vakansie Dorp aangetref. Hulle kom oor die hele Afrika voor.  Daar is verskillende soorte tarentale in Afrika maar hierdie is die gewone tarentaal.

Hulle lê hul eiers onder `n bos waar dit onopsigtelik is. Die bobbejane, ape en gebande muishonde hou baie van die eiers met die gevolg dat daar maar min eiers uitgebroei word.

`n Boer van die bosveld het tarentaal eiers deur `n hoenderhen laat uitbroei by die beeskraal, die

tarentaal kuikens het groot geword in die kraal waar die grotes en kuikens die bosluise van die beeste af pik. Terwyl die bees in die kraal lê en herkou pik die tarentale die bosluise van die ore tot by die stert af. Die beeste hou daarvan.

Die tarentale vreet sade en insekte wat die bosluis insluit.        

In Engeland word tarentale geteel vir slagdoeleindes en word tarentaalvleis by verskeie handelaars aangebied.

`n Lekker dis of paslei is tarentaalvleis.  Op Leeupoort het ons `n resep uitgetoets.`n Maklike resep is kook die hele tarentaal in stoompot en sodra sag gooi `n hele klompie room oor die voël, woestersous en gewone kruie na smaak. Kook dan in oop pot vir kwartier. Nou kan jy besluit watter soort dis jy wil voorberei soos onder andere `n pastei.

 

Rooibek van Leeupoort Vakansiedorp

Rooibekneushoringvoel voor die nes waar binne twee kleintjies is. Gewoonlik pleister hulle die bek van die nes toe met slegs `n skrefie oop waardeur die mannetjie en wyfie die kleintjies voer.

Die mannetjie voer die wyfie terwyl sy in die nes sit. Hy voer haar deur die gleufie wat hulle voor die gat gepleister het. sy broei op die eiers terwel sy sonder vere daar sit. Wanneer die eiers een na die ander oor n periode van `n paar dae uitgebroei het breek sy die gat groter sodat sy kan

 

uitgaan en om saam met die mannetjie die kleintjies te voer. Die bek van die nes word weer toegepleister sodat daar net `n gleufie oop is om die kleintjies te kan voer.

Hulle voer die kleintjies totdat hulle groot genoeg is ,hulle genoeg vere het en hul bek sterk genoeg is om die nes een na die ander oor `n paar dae te verlaat. Hulle pik die bek van die nes groter om te kan uitgaan.

Daar op Leeupoort is `n hele paar koutkaste by huise aangebring waar die rooibekke in rustigheid kan broei. Verskeie besoekers aan Leeupoort Vakansiedorp het die uitbroei al self beleef.

Leeupoort: Vakansiedorp en lekker blydorp

Leeupoort Vakansiedorp is `n ekodorp geleë binne `n natuurreservaat. `n Groot aantal permanente inwoners het daar kom aftree omdat hulle die stilte van die natuur begeer en waardeer en graag die wild wat tussen die huise rondstap geniet. Wanneer jy wil ry en wildkyk doen jy dit op jou eie en in jou eie tyd.
Daar woon sowat 500 permanente inwoners en daar is ongeveer 700 huise in die dorp. Daar is twee groot swmbaddens waar jy na hartelus in die water kan gaan baljaar en verskeie huise het hul

eie klein swenbaddens vir lafenis.
Verskeie huiseienaars woon elders en gaan gereeld die stilte en wild opsoek op Leeupoort. Van hierdie huise word as selfsorg- vakansieeenhede verhuur sodat die eienaars ook van tyd tot tyd daar kan gaan uitspan en ontlaai.
.

Leeupoort: Passie vir die Natuur

Leeupoort Vakansiedorp is die idilliese gesinsoord in die bosveld slegs 150 km vanaf Pretoria. Bekostigbare huise wat goed toegerus is as selfsorg- fasiliteite. Die weer is idiaal vir braai waar die ouens tot laataand by die vuur deurbring.
Hierdie vakansiedorp is n ekodorp binne `n natuurreservaat waar die wild tussen die huise rondloop. Die besoekers kan gaan stap in die reservaat of selfs met hul voertuig deur die reservaat ry waar jy ook tot naby die wild kan kom.

 

Op Leeupoort is daar ongeveer 170 soorte voëls, 50 verskillende soogdiere en 114 boomsoorte. Die maak dus `n fees om tussen die huise te stap of deur die hele reservaat te stap waar daar staproetes is. Vir die ouens wat nie kan of wil stap nie kan met jou eie voertuig deur die reservaat ry.
Die bosvarke loop rond wanneer die son eers gesak het want hulle is sku vir mense. Hulle is gewoonlik op soek na braaivleisbene om te vreet. Die ander wild loop dag en nag orals tussen die huise rond.