Monthly Archives: January 2017

Leeupoort: Tong Half Meter Lank.

Die kameelperd is die dier wat die hoogste kan bykom van alle diere op aande.

Daardie lang voorpote is baie gevaarlik en kan `n leeu daarmee doodskop. Wanneer hulle baklei slaan hulle mekaar met die nek. Dit is bekend dat die een al de ander een met die nek dood geslaan het.

Op Leeupoort is die kameelperde baie mak en pragtige fotos kan geneem word. Jy moet net nie uit jou voertuig klim om naby fotos te neem nie want dan

 

jaag jy hulle beslis weg. Die kameelperde benut die blare van bome wat te hoog is vir ander diere om te benut. Hulle kyk af op baie doring bome wat in die veld is. Hierdie dier word tot 30 jaar oud. Daar is spesiale kleppe in hul bloedvate wat keer dat daar nie teveel bloed na hul koppe vloei wanneer hulle water suip nie. Met daardie lang tong wat tot `n half meter uitgesteek kan word stroop hulle blare van bome. Met daardie lang  tong trek hulle ook tot doringtakke nader om die blare in sy bek in te trek.

Wanneer `n kameelperd hardloop gallop hy en lyk dit of hy stadig beweeg maar hulle kan tot 50 km per uur hardloop.

Gezoem van die Bye

Wanneer die perdeby jou steek weet jy dat jy gesteek is.

Nou die dag wil ek `n tak afsny wat teen die dak by Ifafa 732 op Leeupoort krap. Die leer word teen die muur staan- gemaak en die leer word bestyg. Ek vat toe per ongeluk aan die balk wat onder die teeldak sigbaar is en dit is toe waar die perdebye hul nes het. Die een by steek my op die bolip en dis asof iemand my met `n hamer op die mond slaan. Met die geweldige skok gryp ek na my lip, verloor balans en voeter van die leer af.

 

My ouma het destyds gesê dat `n ou vicks moet aansmeer en dit het so werlikwaar gehelp.

Die perdeby verdedig sy nes deur mens of dier wat torring aan hul neste by te dam met daardie skerp groot angel en die steek brand soos vuur. Die perdebye los nie hul angel in jou soos `n heuningby nie en hulle steek jou soms meer as eenkeer. Hier in die bosveld by Leeupoort geniet die perdebye beslis die wurms wat in die bos is.

Die perdeby dra wurms aan na die neste en hou dit daar vir kos. Daar is 35 verskillende soorte spesies in ons land.