Monthly Archives: Jan 2019

Rol Boeta Rol!

Gaan sit by daardie misbolletjies waar die miskruier besig is om sy bolletjie uit te kerwe uit die eland of rooibok se mis. Die miskruier gebruik nie die bestaande bolletjie van die wildsbok se mis nie maar maak sy eie bolletjie.

Op Leeupoort Vakansiedorp waar jy die waarnemings maklik kan maak waar jy plat op jou blaker sit en besef dat daar ook groot kompetisie is onder die miskruiers self. Die paartjie probeer om so gou as moontlik die korrekte grootte na smaak rond te vorm om maklik weg te rol waarna dit so gou as moontlik na `n ander plek gerol moet word waar dit in sagte grond begrawe moet word waarin hulle dat hul kleintjies gaan grootmaak.

Blouaap

Die tropgrootte van blouape is so 20- 25 en hul aanvoerder is `n dominante wyfie. Wyfies bly lewenslank in hulle oorspronklike trop. Mannetjies emigreer ten tye van die aanvang van puberteit, trek dan van trop tot trop, en spandeer omtrent drie jaar in ‘n trop voordat hulle weer aanbeweeg. Mannetjies en wyfies se hiërargie is verskillend; slegs die mannetjies van hoër rang het toegang tot bronstige wyfies. Sosiale hegtheid vind plaas deur middel van onderlinge versorging van mekaar se pelse.

 

Troppe het goed-gedefinieerde groepsgebiede met duidelike grense.
Wat die blouaap op Leeupoort Vakansiedorp lasting maak is dat hulle deur die diefwering klim en groot skade binne `n huis kan aanrig. Daar is mense wat hulle voer wat beteken dat hulle te mak word en mense aanval wat kos in die hand het. Hulle kan baie agressief raak wanneer dit by kos kom en dit is die rede waarom die ape kort kort besoek aflê by die plekke waar daar kos is.

Hulle het sowat 30 verskillende gebruike van hul stemme waarmee hulle kommunikeer. Soos wat hulle in die veld wei kommunikeer hulle met mekaar en waar hulle kos sien laat weet hulle die ander om nader te staan. Sodra daar gevaar is sal jy die skril geskree hoor waarna hulle almal op die hoede is.
In Ladanna, Pietersburg, is daar onlangs mense aangeval wat gehospitaliseer moes word en die rede was dat daar mense is wat vir hulle kos gee. Mense wat die blouaap onwettig aanhou as `n troeteldier moet later wanneer die aap groot is en mense beseer laat uitsit of ontslae raak.

Steenbok Geeste

Sekere volke in Afrika glo dat dit geeste sal omkrap as `n mens `n steenbok doodmaak.

Die rammetjie het die skerp horingkies maar by uitsondering kry ooitjies ook horingkies.
Hulle is gewoonlik enkellopend behalwe met paringstyd of waar `n lam saam met die mamma wei.
Wanneer hulle gevaar sien gaan hulle gewoonlik lê met die kop op die grond. Sodra `n steenbok versteur word om weg te hardloop sal hulle eers

 

verstar vir `n paar sekondes. Sou hulle moet vlug hardloop hulle sig-sag om die gevaar te ontduik. Hulle word nie maklik deur `n roofdier gevang as gevolg van die manier van hardloop nie.
Die rammetjie is gemiddeld op 9 maande geslagtelik volwasse en ooitjies op 6 maande. Die ooitjie is so ses maande dragtig en hulle het gewoonlik slegs een lam op `n slag. Die lammetjie word vir so 3 weke tussen groot graspolle of bossies weggesteek waarna hy saam met sy mamma gaan wei. Hulle gemiddelde leeftyd is 8 jaar.
Hulle loop gewoonlik in afgebakende gebiede en jy sal gewoonlik hulle in daardie ongewing kry. Leeupoort Vakansiedorp is trots op hul steenbokkies.

Die steenbok kan in klein kampies aangehou word.