Category Archives: Accommodation

Leeupoort: Hawk 636

Hawk 636 - Foto 01 (640)

Naam van Eenheid: Hawk 636

Vir die volmaakte wegbreek-geleentheid. Hierdie wooneenheid is binne `n natuurreservaat geleë waar jy met jou eie voertuig tussen die wild kan rondry en voëls kan besigtig.

Jy kan ook die natuur en die rustigheid van die natuurreservaat beleef terwyl jy alleen in die wandelroetes kan stap. Die kinders kan buite veilig baljaar en in die sand speel, of hulle kan rondrits met fietse om die omgewing te gaan verken.

Leeupoort: Erika 44

Naam van Eenheid: Erika 44A

Hierdie netjiese goed ingerigte 4-slaapkamer selfhelp chalet bied jou die gemak waarvan vakansiegangers droom om behoorlik te kan ontspan in die Bosveld en natuur.

Met die skoon bosveld-lug is dit `n ervaring om saans sterre te kyk en die satelliete te sien verby gly oor die horison. `n Heerlike braaiplek waar jy saans kan ontspan en lekker kuier is beskikbaar.

Leeupoort: Kalossie 1428

Naam van Eenheid: Kalossie 1428

Dit is die ondervinding van `n leeftyd om die stilte en rustigheid van hierdie chalet te ervaar. Vier slaapkamers met 3 badkamers op leeupoort te ervaar waar die wild en voëls vir jou kom kuier by die braaiplek agter die eenheid. Kom en ondervind die besondere gevoel waarna jy beslis terug sal verlang en waarna jy gewis sal terugkeer. Die buitengewone mak wild is `n kenmerk van hierdie wildreservaat.

Leeupoort: Dahlia 817

Naam van Eenheid: Dahlia 817

‘n Paradys geleë binne ‘n natuurreservaat op Leeupoort waar die diere vrylik tussen die eenhede wei. Wildkykers kan vanuit hul voertuie of per voet tussen die huise asook in die reservaat hul gaan verlustig wat op Leeupoort aangaan.

Hierdie 3-slaapkamer chalet bied volle selfsorg fasiliteite sodat jy heerlik, gemaklik en gerieflik jou eie ding kan doen waarvoor jy lus voel. Die kinders baljaar so lekker buite dat hulle nie vir ete in die chalet wil kom nie.