Category Archives: Tourism Attractions

Leeupoort: Grysbekneushoringvoël in kas.

GRYSBEKNEUSHORINGVOEL – Met sy skril fluitgeroep verskil die grysbek se geroep drasties van dié van die geelbek en rooibek wat weer dieselfde klink. Leeupoort is gelukkig om al drie hierdie soorte neushoringvoëls te kan hê. Hulle bly redelik uit mekaar se pad. Op Leeupoort is `n inwoner wat die broeikaste maak en daar is `n hele klompie inwoners wat kaste aangeskaf het en by die huise aan bome aangebring het. Hierdie kaste se ingang moet in `n sekere rigting aangebring word en die grootte en hoogte is ook `n faktor.

Springboontjie van die Tambotieboom

NATUURRESERVAAT – Op Leeupoort is daar ‘n boontjie wat sommer self sentimeters hoog spring wanneer dit begin warm word. Dit is die vruggies van die tambotieboom wat hierdie wonderbaarlike eienskappe het.

Op Leeupoort is daar op verskillende plekke tambotie-“woude”. Die boom is andersins ook bekend as “Spirostachys Africana” of die “Springboontjieboom”. Larwes van die klein grys-mot (“Emporia Melanobasis”) ontwikkel binne die vruggie, die vruggie word ryp en val later van die boom af.

Leeupoort: Koedoe in Sitkamer

LEEUPOORT – Dis nie ongewoon dat die koedoes op Leeupoort tot binne die sitkamer agter die mense aanstap nie. Wanneer die bok iets te ete ruik, volg hulle jou na waar jy hulle lei.

Gedurende droogte tye is die wild gewoonlik makker as wanneer daar baie groen blare in die veld is. Hulle drentel dan tussen die huise rond waar daar gewoonlik meer groenerigheid is. Vrugte en groente, of graanprodukte soos mielies is dan ‘n groot trekpleister vir die diere, maar onthou dat wild altyd gevaarlik is en hulself sal verdedig indien hulle bedreig voel of skrik.

Leeupoort: Doop Baba in Bos

LEEUPOORT VAKANSIES – Onder die leiding van Johan Koekemoer is die “stiltehoekie” in die bos op Leeupoort ingerig. Klein Gerhard is by die kruis gedoop waar daar `n gewyde atmosfeer in die rustigheid van die natuur geheers het.

Dink net dat mense wat in die stad woon, hul baba daar in die bos kan gaan doop. Iets besonders vir die foto-plakboek (“scrab book”) met fotos van die kruis, die doopplegtigheid en fotos van die blouwildebeeste wat daar rustig lê en herkou.