Tag Archives: Boer

Leeupoort: IT`S TIME!

`n Boer het in sy bakkie gery en op `n video sy kommer oor die toestand in die land uitgespreek en gevra dat iets gedoen word. By die huis het hy dit op internet afgelaai en gebid. Toe hy sy oë oopmaak , was daar `n oproep uit Australië waar iemand dit al gesien het. Angus Buchan het die oproep ook gehoor en toe daaroor gebid.

“Its Time!” het Angus in sy hart gehoor en dit wyd bekend gemaak. `n Miljoen biddende mense byeen op een plek!  In die middel van Suid Afrika. Vir Suid Afrika! Dit moet binne ses weke wees! “Prakties onmoontlik!”

 

het mense gemeen. Dit het dan `n jaar geneem om `n byeenkoms te Loftus vir 70,000 mense te reel. En hierdie keer is dit op `n plaas met geen fasiliteite nie. Angus se ondersteuningspan en die omgewing se boere spring aan die gang.

 “Kollektes! “ skreeu dit toe op die internet. Maar daar was ook niks van nie. Snaakse profete op Facebook.

Ander het weer groot ongelukke voorspel. Ons het egter `n buitegewone lekker en rustige heen- en weerrit sonder ongelukke, jaagduiwels of padvarke ervaar.

“Daar gaan reuserommelstrooiing deur `n miljoen mense wees,” is geprofeteer. Maar op pad terug na ons voertuie toe het ons nie eers `n lekkergoedpapiertjie op die grond bespeur nie. Na die massas se vertrek was al sewentien plase skoon. Die doemprofete was oor alles verkeerd.

Daar was mense van Brasilië, VSA, Namibië, Persiese Golf, Leeupoort  en ander plekke. Daar was mense te perd, fiets en dapper en stapper maar almal het gekom.

Gebede is verhoor.

Leeupoort; Tarentaalpastei

Die gewone tarentaal word in Leeupoort Vakansie Dorp aangetref. Hulle kom oor die hele Afrika voor.  Daar is verskillende soorte tarentale in Afrika maar hierdie is die gewone tarentaal.

Hulle lê hul eiers onder `n bos waar dit onopsigtelik is. Die bobbejane, ape en gebande muishonde hou baie van die eiers met die gevolg dat daar maar min eiers uitgebroei word.

`n Boer van die bosveld het tarentaal eiers deur `n hoenderhen laat uitbroei by die beeskraal, die

tarentaal kuikens het groot geword in die kraal waar die grotes en kuikens die bosluise van die beeste af pik. Terwyl die bees in die kraal lê en herkou pik die tarentale die bosluise van die ore tot by die stert af. Die beeste hou daarvan.

Die tarentale vreet sade en insekte wat die bosluis insluit.        

In Engeland word tarentale geteel vir slagdoeleindes en word tarentaalvleis by verskeie handelaars aangebied.

`n Lekker dis of paslei is tarentaalvleis.  Op Leeupoort het ons `n resep uitgetoets.`n Maklike resep is kook die hele tarentaal in stoompot en sodra sag gooi `n hele klompie room oor die voël, woestersous en gewone kruie na smaak. Kook dan in oop pot vir kwartier. Nou kan jy besluit watter soort dis jy wil voorberei soos onder andere `n pastei.