Tag Archives: Bosveld

Leeupoort: Doop Baba in Bos

LEEUPOORT VAKANSIES – Onder die leiding van Johan Koekemoer is die “stiltehoekie” in die bos op Leeupoort ingerig. Klein Gerhard is by die kruis gedoop waar daar `n gewyde atmosfeer in die rustigheid van die natuur geheers het.

Dink net dat mense wat in die stad woon, hul baba daar in die bos kan gaan doop. Iets besonders vir die foto-plakboek (“scrab book”) met fotos van die kruis, die doopplegtigheid en fotos van die blouwildebeeste wat daar rustig lê en herkou.

Steakie Oppie Kole op Leeupoort

Leeupoort Braai 640x480

ONTSPANNING – Die dae op Leeupoort se bosveld is heerlik. Die sonnetjie kan nie lekkerder wees wanneer jy by die ronde braaiplek by Ifafa 732, wat mens `n “es” noem, agteroor sit met jou voete op die rand van die es. Die swaai-braai wat mens hoër of laer kan stel kan jy gemaklik hanteer en dit word weggeswaai wanneer jy die vuurtjie pak om aan die brand te steek.

In plaas van teesakkies weg te gooi word dit in `n botteltjie gehou en `n bietjie lampolie daaroor gegooi.

Die Steenbok – Kleinste Bok op Leeupoort

STEENBOKKIES – Hulle weeg tussen 7 en 14 kg, is so 70 cm lank en hul rughoogte is nagenoeg 50 cm. Die rammetjie het horings wat so 7 cm lank word en die ooitjie is sonder horings.

In hiedrie bosveld Wildreservaat vreet hulle blaartjies, krap worteltjies van plante en gras oop vreet dit en drink feitlik nooit water nie. Die mamma is 7 maande dragtig. Vir die eerste 4 maande steek sy die lammetjie in `n ou ertvarkgat weg en besoek die outjie soggend en saans om te drink.

Leeupoort: Wilde Voëls

VOËLKYK – Weens die gematigde klimaat is daar `n groot verskeidenhied voëls op Leeupoort. Baie voëls is redelik mak omdat hulle iets te ete kry by die inwoners en besoekers.

Die fisante en patryse stap tussen die huise op soek om iets te ete te kry. Die kwêvoëls is net so mak en kom tot so `n meter van jou af as hulle sien jy het iets vir hulle om te eet. Wat wonderlik is om die geelbek, die grysbek en die rooibek neushoringvoëls almal op Leeupoort te kry. Dis selde dat mens dit so kry.