Tag Archives: Natuur

Hadeda se Ha-Ha-Ha-Deda!!

NATUUR – Ha-ha-ha-de-dah skree die Hadeda Ibis terwyl hy opvlieg vanaf die grasperk waar hy goggas onder die grond uitgesnuffel het. Die voël se naam is afgelei van die skril en besonder uitermatige harde skree wat hy maak.

Hierdie voël moet goeie reukorgane hê of hy moet die erdwurm of kewer onder die grond hoor. Hy sal oor die grasperk loop, skielik gaan staan en sy snawel so 60 mm diep in die grond in druk en sy prooi onder die grond uitboor met daardie skerp snawel van hom.

Brulpadda

NATUUR – Die brulpadda is Suid Afrika se grootste padda en daar is sowat 100 spesies paddas in ons land. Wanneer gebore, het die kalant kiewe soos ‘n vis en het ‘n stert waarmee hy swem.

Na sowat drie weke verwissel hulle totaal van gedaante en kry longe soos landdiere en leef op die droë grond, verloor die stert en kry pote. Hulle lê eiers wat in slym, gewoonlik aan takke van bome of ander struike, hang en word dan deur die son uitgebroei.

Leeupoort: Beesstert Potjie

Dis net op Leeupoort waar jy in die bos naby die stad en in die rustigheid van die natuur lekker rustig kan ontspan vergeet van die spanning daardoer in die stad.

Om 12 uur Saterdag middag het Henry en sy seun Stiaan begin om die beesstert vir die potjie in orde te kry. Daar gaan `n heerlike potjie voorberei word.

Dis rustig en die twee vlakvarke lê daar in die koelte van die swarthaakboompie  en slaap en die njalabul staan en kyk wat daar aangaan en of daar nie so ietsie vir hom ook kan wees nie.

Die sekelboshout begin vlamvat en die stoele word reggesit sodat `n ou heerlik rustig om die vuur te kan sit met jou voete op die randjie van die es waarop die  vuur gemaak word.

Die kinders baljaar in en om die sundowner swembad en langsaan word die potjie rustig in orde gekry. Die beestert-stukke word eers in die driebeen-swartpot gebraai om dit te seël . Die gebruik is om die kosse wat langer vat om gaar te word eerste in die pot te sit, aangaan met die kook en die groente en wat gouer gaar word word eers heelwat later in die pot geplaas. Baie ouens se reels is dat jy die deksel slegs afhaal wanneer jy van groente bysit want deksel oopmaak is taboe.

Gniet die smaaklike ete.

Rooibekneushoringvoëls van Leeupoort

Neushoring Rooibek 2 640x480 reg

NATUUR – `n Rooibekneushoringvoël het hom tuis gemaak op die motor se spieëltjies en probeer om die maatjie in die spieël te soen of om mee te baklei. Die voël het homself vir `n lang tyd so besig gehou.

Daarna het hy teen die glas van die skuifdeur kom pik tot hulle hom brood gegee het. Hierdie geelbek is seker nou al drie jaar besig met sy pik aan die wieldoppe en spieëltjies by Ifafa 732 op Leeupoort.

Sekelboshout Braai op Leeupoort

Vleisbraai

ONTSPANNING – Almal kan braai, maar braai op Leeupoort in die natuur en waar jy die geluide van die bos hoor, is dit net soveel meer ontspanne.

Die sekelboshout se kole brand langer as baie ander soorte hout, met die gevolg dat jy langer by die vuur kan kuier. Daar waar jy langs die vuur sit en in die kole staar, sak die stilte op jou toe en hoor jy die fisant wat hom in `n naby geleë boom kom tuismaak het met sy tsjer- tsjer   tsjer- tsjer  tsjer- tsjerrrr.