Tag Archives: Ape

Bospatrys

Vroegoggend maak hy jou wakker met sy skril geskree om die dag aan te kondig.
Hulle loop in klein familie-groepies. Gewoonlik die mannetjie , wyfie die vorige kuikens en die huidige kuikens. Sodra die grotes kos raakloop gee hulle `n sagte gepiep om die kuikens te roep om deel te wees van die maaltyd. Hulle vreet gewoonlik grassaadjies, sade van ander plante en insekte. Jy kry baie maal waar `n bospatrys in die mis van `n dier skrop om by die saadjies uit te kom.

 

Die mannetjie en wyfie lyk dieselfde en die wyfie broei die eiers uit. Die Nessie word op die grond onder `n bossie gemaak waar dit goed beskut is. Die Nessie word van sagte plantmateriaal in `n gemakilke holte gemaak . Daar word van 3 tot 6 eiers gelê en broei in 3 weke uit. Sodra die kuikentjies uitgebroei is loop hulle dadelik saam met die mamma wat vir hulle die saadjies wys om te eet.

Hierdie diertjies se voorbestaan op Leeupoort Vakansiedorp word bedreig deur die ape, bobbejane en gebande muishonde wat die eiertjies opspoor en dan opvreet.

Leeupoort; Tarentaalpastei

Die gewone tarentaal word in Leeupoort Vakansie Dorp aangetref. Hulle kom oor die hele Afrika voor.  Daar is verskillende soorte tarentale in Afrika maar hierdie is die gewone tarentaal.

Hulle lê hul eiers onder `n bos waar dit onopsigtelik is. Die bobbejane, ape en gebande muishonde hou baie van die eiers met die gevolg dat daar maar min eiers uitgebroei word.

`n Boer van die bosveld het tarentaal eiers deur `n hoenderhen laat uitbroei by die beeskraal, die

tarentaal kuikens het groot geword in die kraal waar die grotes en kuikens die bosluise van die beeste af pik. Terwyl die bees in die kraal lê en herkou pik die tarentale die bosluise van die ore tot by die stert af. Die beeste hou daarvan.

Die tarentale vreet sade en insekte wat die bosluis insluit.        

In Engeland word tarentale geteel vir slagdoeleindes en word tarentaalvleis by verskeie handelaars aangebied.

`n Lekker dis of paslei is tarentaalvleis.  Op Leeupoort het ons `n resep uitgetoets.`n Maklike resep is kook die hele tarentaal in stoompot en sodra sag gooi `n hele klompie room oor die voël, woestersous en gewone kruie na smaak. Kook dan in oop pot vir kwartier. Nou kan jy besluit watter soort dis jy wil voorberei soos onder andere `n pastei.