Tag Archives: Akkommodasie

Konsertina-Fees Jaag Vir Die Rekord

KONSERTINA-FEES JAAG VIR REKORD – Vanjaar word ‘n unieke Konsertina-fees van 3 tot 5 April 2020 op Leeupoort Vakansiedorp aangebied! Verskeie bekende orkeste gaan optree met Boet (Dimpel) Pretorius wat die feesrede gaan lewer. Tydens die fees gaan daar gepoog word om ‘n 30 jaar oue rekord van 41 konsertina-spelers wat gelyktydig optree, te verbeter.

Kos en ander stalletjies gaan bydra tot die feestelike atmosfeer, terwyl woonwa staanplekke gratis beskikbaar gestel word.

Bosveldkole

Met `n passie vir die natuur kan jy nie anders as om `n heerlike braai te hou nie en dit dan nog daar doer in die bos weg van die huise. Leeupoort Vakansiedorp se klimaat leen hom daartoe om te braai en maak nie saak waar en hoe laat nie. Die braaiplek in die bos op Leeupoort Vakansiedorp is spesiaal ingerig vir die ouens wat buite die huis wil ontspan. Die braaiplek is tussen die tambotiebome ingerig en `n mens moet net nie van daardie bome se takke op die vuur goei nie want dan kry jy `n ernstige omgekrapte maag.

Leeupoort- Boeremusiekfees. 9 Sept 2017

BOEREMUSIEKGILDEFEES – Tien jaar gelede het die Boeremusiekgilde die Boeremusiek-monument op Leeupoort opgerig en 9 September 2017 word die herdenking gehou. Met daarde geleentheid sal die tema “Volkspele” wees. `n Groot aantal Boere-orkeste het reeds te kenne gegee dat hulle by hierdie besondere geleentheid kom optree. Van die orkeste het al begin plek bespreek want daar is beperkte akkommodasie beskikbaar. In die verlede was die akkommodasie al `n maand voor die tyd vol bespreek.

Leeupoort: Die Bos Praat met Jou

BOS PRAAT – Die bos vertel vir jou sy storie en al wat jy moet doen is om net te luister. Die stilte bring `n rustigheid in jou wat jy nie met geld kan koop nie. Jy moet net nie jou selfoon die hele tyd aanhou nie want die Whatsupp en ander oproepe lei jou aandag af en neem jou terug na jou kantoor of werksplek.

Jy kan vir `n lang tyd geen oproepe kry nie maar sodra jy buite langs die vuur bybelstudie wil hou kry jy die meeste