Tag Archives: Leeupoort

Kwaai Voeltjie

BONTKIEWIET – Baie kwaai en regtig baie braaf om af te duik na jou toe en daarby geweldig hard op jou skree om jou weg te jaag van hul nessie met eiertjies wat in `n holtetjie in die oopte tussen die kort grassies gekamoufleer is. Die bontkiewiet, soos hul gedrag is, het hul tuiste by die groot dam in die reservaat op Leeupoort Vakansiedorp gemaak waar dit oop is om te kan sien wat hul lewens mag bedreig. Hulle is gewoonlik paartjies

Swaeljies

SWAELTJIES – Wonderlik om te weet dat hierdie klein voeltjie elke jaar aan die begin van die winter Europa toe trek wat sowat 10000 km van ons af is agter insekte aan en dan kom hulle na dieselfde plek in ons land terug waar hul nessies is. Op Leeupoort Vakansiedorp is daar by `n hele aantal huise nessies wat oor en oor gebruik word. Hulle gebruik die son, maan en sterre om rigting te kan hou. Interessant om te weet is dat hulle aan die westekant van Afrika na Europa toe trek en met dieselfde roete terug. Dit is waarom hulle trekvoels genoem word. Hulle het dit nie aangeleer nie maar God het hulle so geskape.

Vreet Nou en Los Niks vir Later

ONOORDEELKUNDIG – Oordeelkundige gebruik en bestuur van weiding is uiters belangrik om die gehalte van weiding vir wild te verseker. Oorbeweiding veroorsaak uittrap van smaaklike grasse, bevorder gronderosie, vestiging en vorming van harde kaal kolle waar geen gras groei nie en minderwaardige indringer grasse soos kweekgras vestig omdat hulle nie geredelik gevreet word nie. Die gevolg is dat indringer bos soos die sekelbos gevestig word.

Boeremusiekgildefees – 7 September 2019.

BOEREMUSIEKGILDEFEES – Die Boeremusiek-monument is in 1987 onthul. Dit was die enigste Boeremusiek-monumet in Suid Afrika. Pieter en Reina Bodenstein was die stigterslede saam met ds Lourens Aucamp. Pieter-hulle woon nog op Leeupoort Vakansiedorp maar weens gesondheidsredes is hy nie meer betrokke nie. Hierdie fees was nog altyd een van die hoogtepunte op Leeupoort Vakansiedorp. Verlede jaar was daar 20 genooide orkeste en hulle het om die beurt vanaf Vrydagaand tot Sondagoggend hul staal gewys. Die orkeslede het die samekoms